Kom ontmoet Jesus
Ons gebed is dat jy in jou saamwees hier, ʼn eerstehandse ontmoeting met Jesus sal ervaar.
Ons is opgewonde oor Jesus omdat ons in Hom vir God leer ken as die bron van gasvrye liefde wat die mensdom uitnooi na ʼn nuwe manier van lewe. ʼn Lewe waar God se liefde ons inpas bring met Homself, onsself, ander en die skepping. Dis ʼn lewe wat groei uit ons verbondenheid met Jesus soos lote aan ʼn wingerdstok. (Johannes 15:1-10)
Jesus se koningskap staan vir ons sentraal met die Bybel as sy Woord. Om sy Stem te kan hoor is een van ons grootste strewes, sodat ons kan doen wat Hy sê en sodat ons sy liefde kan uitleef. Ons doen dit in liefdevolle gemeenskap met mekaar, met gebed, as ʼn manier van leef.
Ons Kompasteks
Johannes 15: 9
“Soos die Vader My liefhet, het Ek julle ook lief. Julle moet aan my liefde verbonde bly.”
Sondag Program
Erediens om 09:00
Kategese
Voorskoolse kinders (Wikkelwurms), Graad 1-3’s (Lewende Liggies) en Dapper Stappers (Graad 4-5) kom tydens die erediens bymekaar.
JIKs (Graad 6 en 7) en ons Hoërskool-bediening (Anker) kom direk na die erediens bymekaar.
Elke Sondag na die erediens is daar KuierNet – almal is welkom. Kom drink ʼn gratis koppie koffie of tee of koop ʼn cappuccino by SKINK!
Ons fokusareas
Ons nooi jou uit
Kom word deel van ons dinamiese, Geesgeïnspireerde bediening! Ons fokus is intergenerasioneel – ouer lidmate en kinders is ewe welkom by ons – en dit word weerspieël in die styl van ons eredienste – kontemporêr, maar steeds gereformeerd. Ons Gemeentebediening, ons Jeug- en familiebediening, sowel as ons Bediening vir Ouer Persone bied talle geleenthede vir jou en jou hele gesin om te groei in julle geloof. By ons is regtig almal welkom!
Wat gebeur die maand
KANTOORURE
Maandag – Gesluit vir publiek
Dinsdag tot Donderdag – 08:00 tot 13:00
Vrydag – 08:00 tot 12:00