Diens van Barmhartigheid

KOOP EN GEE / OMGEE WINKEL INFO
Ons wil u graag bedank vir u onlangse skenkings

Skenkings van klere, skoene en linneware is opreg waardeer en word in ons “ Koop ‘n Gee “ winkel verkoop. Die produkte van die beste kwaliteit word teen bekostigbare pryse verkoop. So poog ons om aan gesinne met beperkte fondse toegang te gee tot kwaliteit produkte.  Die fondse wat ons hierdeur genereer word gebruik om mense met finansiële en maatskaplike nood in die Melkbosstrand omgewing te help met :

  • Kos
  • Klerasie
  • Vervoerkostes
  • Mediese en tandheelkundige kostes
  • Ander dringende behoeftes

Produkte wat nie in die wikel verkoop word nie, word geskenk aan ander instansies wat betrokke is by hulpverlening in die groter Melkbosstrand-omgewing

Jou skenking gaan dus ver en maak ’n verskil .

  • Huidige vennote en projekte
  • Salvation Army
  • SAPS Community Forum
  • Mamre Kos-skema
  • Ad-hoc-projekte

Volg ons asseblief op Facebook https://business.facebook.com/MelkbosKoopenGee/  vir informasie rakende die projekte wat ons ondersteun,  sowel as aktiwiteite by die “Koop ’n Gee “ winkel .

Weereens baie dankie vir u ondersteuning en hulp om ’n positiewe bydrae in ons gemeenskap te kan maak .

Nood is ons gemeenskap tydens COVID-19
Almal van ons kan dink dat die nood vir kos en basiese middele in die dae die grootste is by die wat die afhanklikste is van werk. Ons almal wil iets doen, maar word ingeperk!
Ons gemeente se Diens van Barmhartigheid is egter deel van ‘n netwerk van instansies wat kennis en toegang het tot die gemeenskappe en mense waar die nood is. Ons kerksaal word gebruik as ruimte vir die pak van kospakkies vir individue, gesinne en klein gemeenskappe hier tussen ons.
Op Goeie Vrydag is daar weer ‘n rondte gedoen met die aflewer van hierdie middele saam met die boodskap van Jesus wat Sy liggaam vir ons as brood vir die ware lewe gegee het.
Die gemeente se fonds vir diens van barmhartigheid – wat in die dae aangevul word deur julle bydraes – sorg dat daar tot dusver genoeg is om al die aankope te doen.  Dankie daarvoor. Indien jy hiertoe wil bydra, kan jy die geld na ons gemeente bankrekening EFT of van SNAPSCAN gebruik maak (Sien meer info op https://ngkerkmelkbosstrand.co.za/index.php/bankbesonderhede/)
Baie pakkies moet nog opgemaak word in die weke wat kom. Bid vir almal wat hulp ontvang en vir krag en liefde vir die wat toestemming het om dit namens ons te gaan uitdeel, in die Naam van Jesus.